Ik kumm ut Angeln, leev aver all lang in´n lütt Dörp bi Eutin.
As pensioneerte Schoolmeister bün ik vör´n Jahrstiet bikamen,
plattdüütsche Geschichten op CD to spreken, de ik fröher in de
School un bi Krinks vörleest heff.
Darto müß ik mi mit en lütten MD-Player un en fein Mikro
in den Keller verkrupen un utprobeern. Dat fung ganz suutje an;
man mit Tospruch un Anspruch leep dat jümmers beter.
Petra Bertram, de Fru op de Schlittschoh, hett mi den ganzen Grafikkram afnahmen. Toletzt hett mi Fabian Tuschy, H 19 Produktion Kiel,
technisch ünner de Arms grepen , wat ik ´n beten „professionell“
röwerkamen wull.